Sifa za kimataifa na za Kiarabu kwa matokeo ya mkutano wa kilele wa nchi jirani za Sudan, ambao uliandaliwa na Misri
Jumapili, 16 Julai 2023
Sifa za kimataifa na za Kiarabu kwa matokeo ya mkutano wa kilele wa nchi jirani za Sudan, ambao uliandaliwa na Misri
Rais El-Sisi wakati wa kuwa mwenyeji wake wa Mkutano wa Kilele wa Nchi Jirani za Sudan

Ilikaribishwa sana na juhudi za Misri kwa kutatua mzozo wa Sudan, ambao umeingia mwezi wake wa nne, huku kukiwa na hofu ya kukithiri kwa hali hiyo.

Kipindi cha hivi punde katika mfululizo wa usaidizi usio na kikomo, na juhudi zinazotolewa na Cairo kwa Khartoum kwa ajili ya suluhu ya amani ya mgogoro huo ni kuwa Misri ilikuwa mwenyeji wa mkutano wa kilele wa nchi jirani za Sudan, ambapo iliwakaribisha marais na viongozi wa nchi 6 jirani za Sudan, ambazo ni (Libya, Eritrea, Chad, Jamhuri ya Afrika ya Kati, Ethiopia na Sudan Kusini), na Rais wa Umoja wa Afrika na Katibu Mkuu wa Umoja wa Nchi za Kiarabu walishiriki.

Kufanyika kwa mkutano huo wa kilele kulikuja baada ya mfululizo wa majaribio ya kidiplomasia ili kufikia usitishaji wa kudumu wa mapigano, na uongozi wa Misri ulikuwa na nia ya kuunda maono ya pamoja kwa nchi jirani moja kwa moja na Sudan, na kuchukua hatua za kutatua mgogoro huo na kukomesha umwagaji damu wa Watu wa Sudan, waepushie athari mbaya wanazokabiliwa nazo, na uhifadhi Sudan na uwezo wake na kupunguza athari mbaya zinazoendelea za mgogoro kwa nchi jirani na usalama na utulivu wa eneo kwa ujumla.

 

Mkuu wa Ujumbe wa Umoja wa Mataifa nchini Sudan: Mkutano huo wa kilele ulitoka na pointi wazi ili kumaliza mzozo nchini Sudan 

Mkuu wa Ujumbe wa Umoja wa Mataifa nchini Sudan, Volker Peretz, alidokeza - kupitia akaunti yake ya Twitter - kwamba mkutano wa kilele wa Cairo ulitoka na mambo wazi kabisa, ambayo ni wito kwa pande zinazohusika kumaliza vita, na kusisitiza umoja wa Sudan, haja ya kuhifadhi taasisi za serikali, na upatikanaji wa misaada ya kibinadamu, na kuanza kwa mchakato wa kina wa kisiasa. 

Kwa upande wake, Shirika la Habari la Marekani “Associated Press” lilishughulikia mkutano wa kilele wa "Nchi Jirani za Sudan", na lilibainisha umuhimu wa tukio hilo miongoni mwa mazungumzo na mipango mingine iliyofanyika ili kupunguza mateso ya Wasudan.

Shirika hilo lilisema katika ripoti yake kwamba "Misri inaongoza mpango mpya wa kutatua mzozo huo uliokithiri katika tukio ambalo ni muhimu zaidi katika mazungumzo yaliyofanyika ili kutatua mgogoro huo tangu kuanza kwa mzozo kote Sudan katikati ya mwezi wa Aprili. 

Katika ripoti yake, wakala wa Marekani ulithibitisha kwamba mpango uliowekwa na Rais Abdel Fattah El-Sisi ili kuanzisha usitishaji vita wa kudumu na kuweka njia salama za kibinadamu kwa ajili ya kufikisha misaada "uliungwa mkono na kukaribishwa na nchi zote saba jirani za Sudan, vile vile ulisifiwa na pande zote mbili za mzozo."

Gazeti hilo limefahamisha kuwa, uenyeji wa Rais Sisi kwa mkutano wa kilele wa nchi jirani za Sudan uliohudhuriwa na viongozi wa Ethiopia, Sudan Kusini, Chad, Eritrea, Jamhuri ya Afrika ya Kati na Libya, unalenga kutafuta njia za kumaliza mgogoro huo na kujenga mfumo wa mazungumzo ambayo yatajumuisha vyama na wahusika wote wa kisiasa wa Sudan.

 

Makaribisho ya Urusi kwa juhudi za Misri za kutatua mzozo wa Sudan

Urusi ilikaribisha matokeo ya mkutano huo, kama ilivyoelezwa katika taarifa ya ubalozi wa Urusi nchini Misri: "Tunakaribisha juhudi za marafiki zetu wa Misri zinazolenga kutatua mgogoro wa Sudan. Na akaongeza: "Tunatumai kwamba upatanishi iliyozinduliwa na nchi jirani za Sudan, pamoja na jukumu la uongozi la Cairo, pamoja na njia nyingine za kulinda amani za Kiafrika, utaruhusu  fursa ya kufikia usitishaji vita endelevu, kuanza mchakato wa kisiasa, na kuhakikisha kuwa misaada ya kibinadamu inatumwa Sudan. 

Na alisisitiza kuwa Urusi inaunga mkono kuhakikisha utulivu na usalama katika eneo la Mashariki ya Kati na Afrika Kaskazini, na kuondoa utata wowote kupitia mazungumzo ya kina ya moja kwa moja.